[ad_1]
( प्रगत भारत । pragatbharat.com)
विविध व्यांधीबरोबरच लठ्ठपणामुळे मानसिक आरोग्यावरदेखील परिणाम होण्याची शक्यता असते. मानसिक आरोग्यावर परिणाम झाल्यास तणाव, नैराश्य, चिंता, एकाकीपणा अशा समस्यांना सामोरे जावे लागते. त्यामुळे लठ्ठपणा कमी करण्याकडे लक्ष देण्याची गरज असल्याचे वैद्यकीय तज्ज्ञांचे म्हणणे आहे. लॅपरोस्कोपिक बॅरिएट्रिक सर्जन डॉ. शशांक शाह म्हणाले, ‘लठ्ठ रुग्णांपैकी ९० टक्के रुग्ण हे डॉक्टरांनी सांगितल्यानंतरही उपचार घेण्यास उशीर करतात. त्यामुळे त्यांना भविष्यात विविध आजार होत आहेत. विविध अहवालांनुसार, मुलांमधील लठ्ठपणाचे प्रमाण २०४०पर्यंत म्हणजेच त्यांच्या प्रौढावस्थेत दुप्पट होईल. ज्यांनी लठ्ठपणाच्या उपचारांसाठी सल्ला घेऊनही त्याकडे दुर्लक्ष केले, अशांना काही वर्षांनी सांधेदुखी, मधुमेह आणि हृदयाशी संबंधित समस्या, फॅटी लिव्हर, स्लिप एपनिया आणि अन्य आजार झाल्याचे आढळून आले आहे.’
लठ्ठपणा वाढण्याची कारणे
– तणाव
– गॅझेटचे व्यसन
– बैठी जीवनशैली
– आहाराच्या चुकीच्या सवयी
– शारीरिक हालचालींचा अभाव
सरकारी कर्मचाऱ्यांची तपासणी
राज्य सरकारतर्फे ‘स्थूलत्व जनजागृती व प्रतिबंध अभियान’ राबविण्यात येत आहे. या अभियानांतगर्त ससून रुग्णालयाने मुख्य टपाल कार्यालय, समाज कल्याण आयुक्त कार्यालय आणि शासकीय फोटोझिंको मुद्रणालय येथील सरकारी अधिकारी आणि कर्मचाऱ्यांची स्थूलत्व तपासणी केली. वजन, उंची, रक्तदाब आणि रक्तशर्करा आदींची तपासणी करण्यात आली. गेल्या आठवड्यात १६० कर्मचाऱ्यांची तपासणी करण्यात आली. या तपासणीत स्थूल आढळलेल्या सरकारी कर्मचाऱ्यांना वैद्यकीय पथकाने समुपदेशन केले. त्यांना स्थूलपणाला प्रतिबंध कसा करता येईल, याबाबत मार्गदर्शनही करण्यात आले.
Work From Home करताय? सततच्या पाठदुखी, मानदुखीकडे दुर्लक्ष नको, करा हे उपाय…
लठ्ठपणाची समस्या वाढत असल्याने ससून रुग्णालायात बॅरिॲट्रिक (लठ्ठपणा कमी करण्याची) शस्त्रक्रिया करण्यात येत आहे. जानेवारी महिन्यापासून आतापर्यंत १२ बॅरिॲट्रिक शस्त्रक्रिया करण्यात आल्या आहेत. बॅरिॲट्रिक शस्त्रक्रिया करणाऱ्यांमध्ये सर्वजण सहव्याधी असलेले होते.- डॉ. संजीव ठाकूर, अधिष्ठाता, ससून सर्वोपचार रुग्णालय
[ad_2]
